Duintasunak ehunka erretiratu bildu ditu gaur ere manifestaziora.
Ez dute amore emango. Murrizketa berriek, eta hotzak ez ditu kikildu, eta hileko lehen astelehenero egiten duten moduan gaur ere, kalera atera dira jubilatu eta pentsiodunak. Agintean daudenen kontrako alegatua egin dute gaurkoan bildutakoek. Izan ere, Euskal Herrian berogailua piztu ezin duten 150.000 pertsona daude, hilabete bukaerara iristen ez direnak: “Desnutrizioa, etxe kaleratzeak, miseriazko pentsioak, haur pobrezia… Guzti horiek biolentzia dira, eta ez kasualak gainera, boterea dutenek hartutakoak baizik, banketxe, industria farmazeutikoa, multinazional eta pentsio funts pribatuen erabakiak, euren zerbitzura baitaude egun gobernatzen gaituzten politikari asko”.
Eusko Jaurlaritzari bizkarra ematea leporatu dio Duintasunak, erretiratuen eskaerei jaramon egin beharrean, iskin egitea egotzi dio eta berea duen Diru Sarrerak Bermatzeko Legea ez betetzea, “beste behin ere, pentsiodunak pobreziatik ateratzea aldarrikatzen dugu, baita jasangarritasun zein balio faktoreak indargabetzea ere”.
Urte berriarekin egoera larriagotu dela ere esan du Duintasunak. Erretiroa hartu behar dutenek, 65 urte eta zortzi hilabetera arte itxaron beharko dute, eta gainera, azken soldataren %70—orain arte %80koa zen— diru saria jasoko dute aurten jubilatzen direnek alderdi sozialistak 2011n egindako pentsioen erreformaren harira. Azken urteetako murrizketek desberdintasunak nabarmen areagotu dituztela erantsita, sistema neoliberala egin du horren arduradun, eta argi esan, ez daudela horiek onartzeko prest. Irtenbidea: pentsio sistema publikoa, “solidarioa, bidezkoa eta belaunaldiartekoa. Ez da zilegi zergen dirua krisia sufritzen dutenen egoera arintzera ez bideratzea, eta krisia eragin zutenei musu truk ematea”.
Gizarte justuago baten alde egin du azkenik, Duintasunak, eta hori lortzeko ezinbestekotzat jo du botere politikoa erabiltzea kapitalismo finantzarioaren botere ekonomikoa gerarazteko eta mugak jartzeko, “eta horretarako badakigu zer egin: pobretzen gaituztenei botorik ez eman”.
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.