Marrazkiak egin eta bidaltzeagatik, Bartzelonako Hospital de Nensen dauden haurrei liburuak oparitu dizkiete.
Muxu Solidarioak iniziatiban parte hartu dute Karmengo Ama ikastetxeko LHko ikasleek.
Ezpainak gorri-gorri jarri, eta muxu solidario goxoak bidali dituzte Trintxerpetik Bartzelonara (Katalunia) Karmengo Amako Lehen Hezkuntzako ikasleek. Muxu Solidarioa iniziatibak marrazkia bidaltzea eskatzen zuen, eta trukean, marrazki bakoitzeko, El Pirata editorialak liburu bat oparitu die Bartzelonako Hospital de Nens-en gaixorik diren haurrei. 177 liburu jaso dituzte. zehazki.
Oporren aurretik marraztu zituzten beren muxu solidarioak Karmengo Ama ikastetxeko LHko ikasleek, eta pozik daude iniziatiban parte hartuta gaixorik dauden haurrei oparia eman dietelako. Ikastetxeak jakinarazi duenez, garrantzi handia ematen diote halakoetan parte hartzeari, “gure esfortzu txiki batek, beste norbaiti onura ekarri diolako”.