Inspiraekintzaileak egitasmoaren bigarren saioa Lezon egingo dute, urtarrilaren 15aren eta 22aren artean banatuta. Beste bi saio egingo dituzte.
Egitasmoaren hurrengo saioan ekonomia zirkularra landuko dute.
, Gipuzkoako Foru Aldundiko Ekonomia Sustapena, Landa Ingurunea eta Lurralde Orekako sailaren laguntzarekin, Inspiraekintzaileak izeneko programa abian du. Doakoa da, eta jardunaldi eta tailer praktikoen bitartez pertsonei ekintzailetzarako pentsamendua inspiratzea, eta enpresetan barnekintzailetza bultzatzea dira. Garapen agentziak esan duenez, metodologia berritzailea erabiliko dute egitasmoa garatzeko. Zerbitzu aurreratuetan (egina dago horri dagokion saioa), ekonomia berde eta zirkularrean, industria sortzaileetan eta pertsonen zerbitzurako egitasmoetan sakonduko dute.
Pertsonen eta enpresen “txinparta piztea” da egitasmoaren xedea, espiritu berri bat sortzea, pertsonek bultzatzen dituzten enpresa aurrerapenak eta aukera berriak baliatuz, “ekimenak eta ideiak dituzten pertsonei eta enpresei Inspiraekintzaileak-ek azken bultzada eman nahi die, ideia garatzera ausar daitezen”.
Lehen saioa abenduaren egin zuten, Iker Izulainek zuzenduta, Oarsoaldeko Skura eta K35 enpresekin batera, esperientziak partekatuz. Don Boscon izan zen lehen saio hori. Lehen jardunaldi batean alde teorikoa landu zuten. Astebetera, inspiraziotik ekintzara pasatu ziren, tailer praktiko baten bidez.
Hurrengo saioan, ekonomia zirkularra
Ekonomia zirkularra baliabideak aprobetxatzeko sistema da eta abiapuntu horretatik, nagusi dira elementuak murriztu, berrerabili eta birziklatzea. Urtarrilaren 15ean (asteartea da) Lezoko Kultura aretoan egingo dute saio honen lehen zatia, 09:00etatik 11:00etara, eta 22an bigarrena. Bertan, Iker Izulainen azalpenez gain, Circular Hub eta Ekonek enpresek euren esperientziaren berri emango dute (gaztelaniaz da).
“Ekoitzi, erabili eta botatzea? Ez; murriztu, berrerabili eta birziklatzea, bai. Egungo eredu ekonomiko linealaren paradigma baliteke amaitzear egotea eta bere tokia ekonomia zirkularrak hartuko du”, adierazi dute hurrengo saioaren aurkezpeneko testuan Oarsoaldea Garapen Agentziako kideek.
Beste bi saio, hirugarrena eta laugarrena, izango ditu Inspiraekintzaileak egitasmoak. Hirugarrena Oiartzunen egingo dute martxoaren 14an, eta industria sortzaileen gaia landuko dute. Laugarren eta azkenaren gaia Silver Economy da, Pasaian egingo dena maiatzaren 14an; adinekoen aukeren eta beharren gaineko saioa da.
Deenetan izena emateko aukera dago,
Inspiraekintzaileak egitasmo aren webgunearen bitartez. Bertan informazio zehatza dago aldi berean.
