Lizeoko ikasleak Herbehereetan dira
Atzo abiatu ziren eta hilaren 16a bitartean izango dira bertan
Lizeoko Batxilergoko lehenengo mailako 20 ikasle eta bi irakasle Herbehereetara abiatu ziren atzo (hilak 9), Pasaia-Lezo Lizeoak Roermond hiriko Bisschoppelijk College Broekhin institutuarekin elkarlanean antolaturiko Eskola Trukeari esker.
Pasaia-Lezo Lizeoak eskola trukea antolatzen duen hamabosgarren aldia da. Ohi bezala, ikasle pasaitarrek ikaskide herbeheretarren etxeetan pasako dute aste hau, eskolak ingelesez eman eta jasoz, txangoak eta irteerak eginez, eta nederlandarren bizimodua ezagutzeko ekintzak eta bisitak eginez. Roermond ez ezik, Belgikako Maastricht eta Maaseik hiriak bisitatu dituzte. Margraten, berriz, amerikarren guda kanposantua bisitatuko dute, eta Amsterdamen Anne Franken etxea.
Hilaren 16ra arte egongo dira pasaitarrak Herbehereetan, eta haien egunerokoa ikasleek bidaia bitartean elikatuko duten webgunearen bidez jarraitu ahal izango da.
Ohi bezala, aurrerago hango ikasleak etorriko dira Pasaiara.
