Abesti feministen tailerra antolatu du Bekoz Bekok
Larunbata arratsaldetan izango da tailerra, bihartik hasita; modu eraginkorrean komunikatzen ikasteko tailerra antolatu dute.
Bihartik aurrera larunbatero abesti feministak ikasi eta kantatuko dituzte Bekoz Beko elkartearen egoitzan, Pasai Antxon, Zumalakarregi kaleko egoitzan. Tailerra antolatu dute, 16:00etatik17:30era, urtarrila eta otsaila bitartean.
Tailerraren helburua, iaz martxoak 8aren testuinguruan ikasitako abestiak emakume gehiagori erakustea, eta partaideek ezagutzen dituzten bestelako abestiak jaso eta ikastea. Interesdunek 609 424 127 telefono zenbakira dei dezakete.
Horrez gain, Nerea Redondok gidatuta modu eraginkorrean komunikatzen ikasteko tailerra antolatu dute. Lau saio izango dira guztira, hilaren 26an lehenbizikoa, otsailaren 6an eta 16an bigarren eta hirugarren saioak, eta martxoaren 16an laugarrena eta azkena.
17:30etik 20:00etara izango da tailerra. Interesdunek 679 332 411 telefono zenbakira dei dezakete.
