Batelen lehen jardunaldia Hibaika eta Kaiarribarentzat
Bost garaipen lortu ditu Pasai Donibane Koxtapek Gipuzkoako Batel Ligako lehen asteburuan.
Martxan da Gipuzkoako Batel Liga. Larunbatean abiatu zen, Pasaian, Trintxerpeko Illunbe Arraun Klubak antolatutako estropadarekin. Kategori nagusietan garaipena Kaiarribak lortu zuen mutiletan eta Hibaika emakumeetan.
San Juanek, Pasaian, hiru garaipen lortu zituen larunbatean: Gazte eta Kadete mailetan mutiletan, eta Haur Mailan nesketan.
Bigarren jardunaldia Tolosan
Bigarren jardunaldia ere lehiatu da jada, atzo goizean, Tolosan, TAKek antolatutako estropadan. Tolosan seniorrak ez ziren lehiatu, eta Kadete Mailan garaipena San Juanentzat izan zen mutiletan, eta Oriorentzat nesketan. Haurren Mailan San Juango nesken batelak bigarren garaipena erdietsi zuen.
Hurrengo jardunaldia hilaren 27an jokatuko da, Donibanen.