Herritar baten kontrako erasoa salatu dute
Kalera atera dira hamarnaka lagun herritar talde batek deituta, hilaren 6an herritar batek jasan zuen erasoa salatzera.
Elkarretaratzea egin zuten Juan Olazabal kalean, erasoa izan zen lehenengo puntuan. Pasa den igande goizaldean Errenteria-Oreretako bizilagun batek jasandako erasoa salatu zuten atzo hamarnaka lagunek. Herritar talde batek deitu zuen elkarretaratzera, erasoa izan zen Juan Olazabal kalean. Kale horretan jipoitu zuten bizilaguna lehenik, eta gero Diputazio plazan, bigarrenez. Bildutakoek segurtasun neurri handiagoak hartzeko eskatu diote udalari herriko eremu jakinetan halako egoerak errepika ez daitezen.
Udalak joan den astean bertan salatu zuen erasoa, eta halako egoeren aurrean irmotasunez okatuko duela esan zuen. Segurtasunarekin lotu du gertaera, eta herriko bi puntu zehatzetan jende talde konkretu batekin ematen den egoera dela zehaztu du, baita horren gainean lanean ari dela eta etorkizunean ere erabateko irmotasunez arituko dela esan du halako egoeren aurrean. Gertakari gehien antzeman diren eremuetan, zehazki, hainbat hilabete daramala lanean esan du : “Zaintza areagotu, eta bizilagunei azaldu zaizkie inguruan ezarri diren neurriak egindako bileretan”.
Herritarren jarrera txalotu du PSE-EEk
Atzoko elkarretaratzean parte hartu zuten herritarren jarrera txalotu du alderdi sozialistak. Hilaren 6ko gertaera “arbuiagarriei” aurrean elkartasuna, babesa, eta konpromisoa erakutsi dutela atzoko elkarretaratzera bildutakoek erantsi du komunikabideetara helarazitako prentsa oharrean. “Elkarbizitzak garrantzia izango duen Errenteria seguruago baten alde lan egiteko konpromisoa hartzen dugu”, esan dute, amaitzeko.
