Karlos Saldise gogoan
Bihar beteko dira 39 urte eskuin muturreko talde paramilitarrek Karlos Saldise hil zutela bere etxe ondoan.
Karlos Saldise omenduko du ezker abertzaleak hil zutela 39 urte bete direnean. Zehazki, bihar (asteazkena) beteko dira 39 urte bere etxe ondoan hil zutela Saldise. Omenaldia, berriz, hilaren 18an (ostirala) egingo diote 20:30ean, euskal errepresaliatuen aldeko karteladaren ondoren, bere izena daraman plazan bertan.
Grupos Armados Españoles eta Batallon Vasco Español eskuin muturreko talde paramilitarrek hartu zuten hilketa bere gain. Handik hiru hilabetera artxibatu zuten kasua, errudunik gabe. Saldisen euskararekiko eta euskal kulturarekiko atxikimendua aski ezaguna zen herrian, eta Lezoko Amnistiaren Aldeko Batzordeetako militantea zen.