Euskal Herriko musika funtsen eta bildumen mapa digitala osatuko du Eresbilek
Erronka nagusietako bat, Euskal Herriko musika funtsen eta bildumen mapa digitala osatzea izango du aurten.
Ansorenari egindako omenaldiaren une bat. Bukatu berri den urtearen balantzea eta aurtengo erronka nagusien berri eman zuen atzo Eresbilek Koldo Mitxelena kulturgunean egindako agerraldian. Erronka nagusietako bat, Euskal Herriko musika funtsen eta bildumen mapa digitala osatzea izango du aurten. Horrekin, dagoeneko online kontsultatzea dagoen Eresbilen musika funtsen gida osatuko du. Beste erronka, Musikaste izango du. Aurreratu duenez, Bizkaiko konpositoreen programarekin itxiko du Euskal Musikaren Asteak, Bilboko Orkestra Sinfonikoaren eskutik.
Balantzeari dagokionean, berriz, iazkoa, emakume konpositoreek sortutako musika ondarea izan zuela oinarri ekarri zuen gogora Jon Bagues Euskal Musika Artxiboaren zuzendariak: “Eresbilen bildumetan 47 lan berri txertatu ditugu horren harira, eta emakume sortzaile berriak ikusgai jartzea ere suposatu du”.
259.952 agiri inbentariatu ditu, gainera Eresbilek: 114.740 ikus-entzunezko; 96.683 partitura; 21.238 liburutegi agiri; eta 27.291 agiri ezberdin (gutun, argazki, programa, kartel, txosten…).
Joan den miatzean, Jose Luis Ansorena omendu zuen Eresbilek. Artxiboaren sortzailea da, besteak beste Ansorena. 90 urte bete zituen egunean Musika Plaza zenari Jose Luis Ansorena plaza izena jarri zioten.
