Lezoko kirol orientazio zerbitzua, orain whatsappean ere
Lezoko Udalaren kirol orientazio zerbitzuak sakelako telefonoetara jauzia egin du. 2017ko urritik Bekoerrota kiroldegian du egoitza fisikoa; orain, whatsapp bidez ere erantzungo dituzte herritarren zalantzak. 663 228 031 da orientazio zerbitzuak herritarren eskura jarri duen whatsapp zenbakia. Horren atzean Unai Benedited teknikaria dago.
Kirol orientazio zerbitzua doan da, eta herritar orori zuzendua dago, bai kirolik praktikatzen ez duten herritarrei, eta baita lesio edo patologiaren bat dutenei ere. Ohiko kirol jarduerak gustukoak ez dituzten haurrei edo esklusioan daudenei ere dago zuzenduta.
Horrenbestez, zerbitzu honek alor sozialari eta pertsonen integrazioari ere erreparatzen dio, pertsonen arteko harremanak ere sustatzen dituelako, izan ere, kirola egitea gomendatu ondoren, kiroldegira edo beste guneetara kirola praktikatzera joateak beste pertsonekin harremanetan jartzen zaituelako.
Honakoa da zerbitzuaren arreta ordutegia:
- Astelehen, asteazken eta ostiraletan, 09:00etatik 12:00etara.
- Astearteetan, 16:00etatik 19:00etara.
- Ostegunetan, 09::00etatik 10:30era, eta 16:00etatik 17:30era.
