Argazkigintza monografikoa Xenpelar tailerretan
Matrikula bietarako Niessen Kulturgunean egin behar dute interesdunek hilaren 25a arte.
Argazkigintzaren gaineko bi ikastaro monografiko antolatu dituzte Xenpelar Tailerretan hilaren 28tik aurrera. Batetik, gazteei zuzendutako Irudien edizioa mugikorrarekin ikastaroa egingo dute 12-17 urte arteko gazteentzat. Mugikorraren aplikazioak erabilita irudiak editatzen ikasiko dute, argazki erakargarriagoak sortzeko, testuak gehituz, efektuak erantsiz eta ukitu txikiak eginez.
Lau eguneko iraupena izango du ikastaroak, hilaren 28, 30 eta otsailaren 4a eta 6an 17:30etik 20:30era Merkatuzarren. 20,45 euro balio ditu ikastarorako matrikulak. Jarduera guztiak mugikorraren erremintekin egingo dira, beraz, ezinbestekoa da nahikoa espaizoa duen smartphone bat izatea parte hartzaile guztiek, erabiliko diren aplikazio guztiak instalatu ahal izateko.
Helduei zuzendutakoa izango da bigarren ikastaro monografikoa, eta bertan, ikus-entzunezkoak aurkezteko erremintak ikastaroaren bidez, argazki eta bideoak modu erakargarri batean sareratzeko erabil daitezke tresna eta aplikazioak erakutsiko dituzte. Bi egunetako iraupena izango du ikastaroak, otsailaren 5 eta 7an egingo dute, 17:30etik 20:30era Xenpelar tailerretan eta 30,60 euro balio du matrikulak.
Matrikula bietarako Niessen Kulturgunean egin behar dute interesdunek hilaren 25a arte.
