Paco Etxeberria torturaz ariko da Gaztañon
Etxebarria auzitegiko medikuak eta haren lantaldeak Euskal Herriko 3.400 pertsonek jasandako lau milatik gora ebidentzia jarri ditu mahai gainean, Tortura: 1960-2014 ikerketaren txostenean.
Pako Exeberria izango da ostiralean hitzaldia ematen torturaren gainen Gaztañoko lokal berrian. Asteburu mugitua izango dute datorrena Gaztaño auzoan. Larunbatean Gu!azen dinamika egingo dute egun osoz auzoko euskal presoen alde, eta ostiralean berriz, antolatzen dituzten hitzaldien aurtengo zikloari hasiera emango diote. Torturaz mintzatuko dira antolatu duten urteko lehen hitzaldian, eta Paco Etxeberria arduratuko da horretaz. Auzitegiko medikua da, antropologoa, espeleologoa, ikertzailea, EHUko Lege eta Auzitegi Medikuntzako irakasle titularra, Aranzadi Zientzia Elkarteko lehendakaria, Espainiako Estatuko Paleopatologia Elkarteko idazkaria, eta Euskal Kriminologia Institutuko zuzendariordea.
Etxebarria auzitegiko medikuak eta haren lantaldeak Euskal Herriko 3.400 pertsonek jasandako lau milatik gora ebidentzia jarri ditu mahai gainean, Tortura: 1960-2014 ikerketaren txostenean. Dokumentuan jasotako datuen arabera, Guardia Zibila eta Espainiako Poliziari egotzi zaizkie tortura gehien, 1.792 lehenari eta 1.785 bigarrenari. Ertzaintzaren aurkako 336 salaketa jaso dituzte dokumentuan. Ikerketa horretaz mintzatuko da Gaztañon ostiralean.
Gaztañoko lokal berrian izango da hitzaldia, 19:00etan hasita. Hurrengo hitzordua ere zehaztu dute, otsailaren 8an izango da, ostiralarekin, eta Martxoak 3 elkarteko kideak izango dira Gaztañon.
