Gipuzkoako 1968ko salbuespen egoeraren liburua Lezon aurkeztuko dute
Aranzadiko Javier Buces eta Paco Etxeberria izango dira herrian liburua aurkezten. Bihar (osteguna) da aurkezpena, Gezala Auditoriumean.
1968, Gipuzkoa en estado de excepción liburua bihar (hilak 24, osteguna) aurkeztuko dute Lezon. Etxetxo Lezoko Memoria Historikoaren taldeak eta Lezoko Udalak elkarlanean antolatutako aurkezpenean, Javier Buces Aranzadiko ikerlariak, eta Paco Etxeberria antropologoak emango dituzte azalpenak. Izan ere, Aranzadikoek nahiz Euskal Herriko Unibertsitateko ikerlariek bildutako datuetan oinarrituta egin dute liburua, iazko abenduan aurkeztua izan zena. 19:00etan da aurkezpena, Gezala Auditoriumean.
Frankismoak hamaika salbuespen egoera ezarri zituen Espainiako Estatuan 1956 eta 1975 urteen artean. Sei Euskal Herrira mugatu ziren, eta horietatik bi Gipuzkoara soilik, 1968an eta 1970an. Ikerlariek 1968akoan Gipuzkoan gertatu zena dokumentatu dute, eta liburuan jarri. Herriz herri ari dira aurkezpen agerkaria, tartean, bihar (hilak 24, osteguna), Lezon.
Liburua erosteko aukera izango da Gezalan bertan, 10 euroan (%50eko deskontuarekin dendekiko).