Antxoko Bulkada Eguneko afarirako txartelak erosteko azken eguna
Ostegunetik larunbatera gazte mugimenduaren bilakaerari buruzko jarduerak antolatu dituzte
Bulkada Eguna ospatuko dute larunbatean (otsailak 2) Pasai Antxon eta antolatzaileek ohartarazi dutenez, egun horretan izango den herri afarira joateko asmoa dutenek gaur dute txartela erosteko azken aukera.
Afaria Basari elkartean izango da, 21:30ean, eta txartelak, 15euroan, Mimos eta Leunda tabernetan eros daitezke; 10 euro ikasle eta soldata ez dutenen kasuan. Menu begetarianoa edota beganorako aukera izango da aurrez eskatuta.
Bulkadak, baina, ez dira afarira mugatuko. Larunbatean bertan, arratsaldean (18:30), belaunaldien arteko desafioa eta karropoteoa izango dira zumarditik abiatuta, eta ostiralean, berriz, hitzaldi solasaldia, gazte mugimenduan ibilitako kideekin. Basari elkartean izango da, 19:30ean, afari-merienda baten bueltan.
Erakusketa bat ere prestatu dute, 40 urtetako Antxoko gazte memoria izenburupean. Inaugurazioa ostegunean izango da, 18:3ean, Basarin. Ostegun eta ostiralean 18:30etik 21:30era bisitatzeko aukera egongo da, eta larunbatean, 12:30etik 14:30era.
