Apustu etxeen gaineko hitzaldia antolatu du Alternatiben Faktoriak
Kazetari kanaia ezizenaz ezaguna, Igor Meltxorrek gidatuko du solasaldia
Ikerketa kazetaritzan aritzen da Igor Meltxor, eta Antxoko hitzaldia apustu etxeen gainean ariko da. Alternatiben Faktoriak gaurkotasun handiko gai baten gaineko hitzaldia antolatu du larunbaterako. Igor Meltxor kazetaria gonbidatu du Pasai Antxora, apustu etxeen atzean ezkutatzen den negozioa azalarazteko asmoz. Hitzaldia 16:30ean hasiko da, kultur etxean.
Asko eta oso azkar handitzen ari da azken urteetan askotariko apustuetara bideratzen den diru kopurua, eta ludopatiak gero eta ohikoagoa da jende oso gaztearengan.
Hitzaldiaren bidez, jendartea gaiaz sentsibilizatu nahi dute, eta bide batez apustu etxean atzean ezkutatzen den negozioa agerian utzi.
