Hondakinen gaikako bilketa sistema, landa eremura
Bost ekarpen gune jarri ditu udalak: Zamalbide, Zentolen, Sanmarko eta Alduran. 2018an sortutako hondakinen %60 gaika bildu zuten herritarrek.
Landa eremuan ere ezarri du udalak hondakinen gaikako bilketa. Landa eremuan hondakinen gaikako bilketa sistema berria abian jarri du udalak. Bost ekarpen gune jarri ditu, eta bakoitzean gaikako bilketa egiteko edukiontziak jarri ditu udalak: marroia (biohondakinak), horia (ontzi arinak), urdina (papera eta kartoia); berdea (beira) eta grisa (errefusa). Guneak zehazki, Zamalbide, Zentolen, Sanmarko eta Alduran jarri ditu udalak. Pasa den abendua eta urtarrila artean ekarpen guneak irekitzeko giltzak eta txartel elektronikoak banatu ditu udalak baserri eta etxebizitzetan, baita informazio gidak, kuboak, eta poltsa konpostagarriak ere.
Landa eremuan zeuden edukiontzi zaharkitu guztiak kenduko dituzte datorren astean, lur gainekoak eta lur azpikoak ere.
Errenteriako Udalak 2017an ezarri zuen hiri eremuan hondakinen gaikako sistema berria martxan. Urte eta erdi geroago heldu da landa eremura. 2018an sortutako hondakinen %60 gaika bildu zuten herritarrek.
Zalantzak argitzeko edo informazio gehiago jasotzeko 010 (Errenteriatik egindako deietan) edo 943 44 96 00 telefono zenbakietara dei dezakete interesdunek.
