Badator OarsoIrriak Zirkuaren Musikala
OarsoIrriak taldeak bat egin du herritarrek inauterietarako aukeratu duten gaiarekin eta OarsoIrriak Zirkuaren Musikala iniziatiba jarri du martxan. Herritar guztiak deitu ditu bertan parte hartzera. Martxoaren 2an izango da hori, eta familiek musikaz beteriko ibilbidea osatuko dute. Ibilbide horretan geldialdiak egingo dituzte, eta taldeka koreografiak dantzatu. Gainera, Gure zirkua proiektuaren kantarekin osatutako dantza kolektibo bat ere egongo dela iragarri dute, eta hori prestatzeko entsegu saioak antolatu dituzte.
Hilaren 16an eta 23an izango dira entseguak Merkatuzarren, 17:00etan. Bideoa ere grabatu dute, hala nahi dutenek etxean ere entsegua egiteko aukera izan dezaten.
Martxoaren 2rako prestatu duten egitaraua, berriz, ondokoa da: 12:00etan Familien kalejira irtengo da Merkatuzarretik. Ibilbidean zehar Foru plaza (geldialdia), Biteri kalea, Xabier Oalskoaga plaza (geldialdia), Morrongilleta kalea, Koldo Mitxelena plaza (geldialdia), Maria Lezo kalea, Madalena kalea, Herriko plaza (geldialdia), Zumardia (Geldialdia); 13:00etan, dantza kolektiboa egingo dute Zumardian.