Oarsoaldeko hamabi bikote, Euskal Herriko Mus Txapelketaren Gipuzkoako finalean
Herrialdeko kanporaketa Zaldibian jokatuko da hilaren 23an, eta Oarsoaldeko bikoteekin batera beste 105 ariko dira. Final handia Lizarran da, martxoaren 16an.
2017ko Gipuzkoako finala, Ibarran. Euskal Herriko Mus Txapelketa etapak betetzen ari da. Herriz herrikako kanporaketen ondoren, orain, herrialdetako finalen txanda iritsiko da, Euskal Herriko final handiaren aurretik. Gipuzkoako finala hilaren 23an egingo dute, Zaldibiko Herri Antzokian (15:00). Bertan, 117 bikoteren artean hamabi Oarsoaldeko lau herrietakoak dira.
Aldi berean, beste herrialdeetako finalak ere jokoan izango dira egun horretan: denen artean 440 bikote izango dira lehian. Final handia Lizarran (Nafarroa) izango da, martxoaren 16an.
Honakoak dira, herriz herri, Oarsoaldeko ordezkariak Gipuzkoako finalean. Bertatik aterako dira Euskal Herriko finalean izango diren ordezkariak.
Lezo
- Iñigo Etxeberria eta Luken Martin.
- Jon Arruti eta Kontxi Arruti.
Oiartzun
- Iñigo Romero eta Jon Guembe.
- Elixabet Vega eta Igor Pardo.
Errenteria-Orereta
- Joxean Gonzalez eta Txanpi.
- Ander Telleria eta Ibon Apaolaza.
Pasaia
- Antxon, Pedro Amiana eta Ina Mariezkurrena.
- Trintxerpen, Eduardo Aseginolaza eta Periko Ibargarai, eta Iñaki Portela eta Emilio.
- Donibanen, Berna Bengoetxea eta Josu Bengoetxea.
- San Pedron, Haizea Ibargarai eta Amaia Muguruza, eta Francisco Muñoz eta Gotzon Alkorta.
