49.000 herritar urtebetean
Urtebete bete du Zu! Zure Udala zerbitzuak. Urtebetean 49.000 herritar artatu ditu, 41.500 presentzialki eta 7.500 telefonoz.
Collar, Mendoza eta Gracia. 49.000 herritar artatu ditu Zu! Zure Udala zerbitzuak urtebetean: 41.500 arreta presentzial izan dira eta 7.500 telefono bidez izan dira. Zu! zerbitzuak urtebete bete duela-eta balorazioa egin dute Julen Mendoza alkateak, Jon Collar alkateordeak, eta Eñaut Gracia Komunikazio eta Herritarren Parte Hartzea azpisaileko zinegotziak gaur.
Hirurak pozik azaldu dira emaitzarekin, Zu! zerbitzua herritarrentzat erreferentzia puntua bihurtu dela sinistuta daudelako. Guztira 210 tramite egin ditzakete herritarrek zerbitzuaren bidez, «puntu bakar batetik eta modu oso erosoan», nabarmendu du Mendozak. Udal tramiteak ez dira gainera, bertatik herritarrek egin ditzaketen bakarrak, DGTrekin sinatutako hitzarmenari esker, udaletik bertatik egin daitezke erresidentzia aldaketak. Mugi txartela, edota familia gunerako izena emateko aukera ere badute herritarrek leihatila bakarreko zerbitzutik.
010 zerbitzua martxan jarri dela aurten nabarmendu du Mendozak, bestalde. Hiru zenbaki horiek markatuta udalarekin harremanetan jartzea dute herritarrek Errenteriatik bertatik deitzen dutenean, doan. Arreta presentziala ematen duten profesionalek erantzuten dute, «telefonoz ematen den arretaren kalitatea, beraz, telefonoz ematen den kalitatearen parekoa da”.
Herritarrek zerbitzua jasotzeko zain ematen duten denboraren gainean mintzatu da Gracia: “3,48 minutukoa da batez beste eta positiboa da alderatuta inguruko beste arreta zerbitzuekin”.
Zerbitzua Beraunen
Zerbitzuak auzoetara hurbiltzeko prozesuaren barruan urrats bat aurrera egingo deula udalak nabarmendu du bestalde, Collarek. Izan ere, Zu! Zure Udala zerbitzuaren bulego bat zabalduko du udalak Beraun auzoan, Kultur Etxea izango denean. Udalean egin daitezkeen tramire guztiak egiteko aukera izango da bulego horretan, eta egun udalean dauden profesionalek emango dute zerbitzua.
Erabakia hartzeko garaian kontuan hartu du udalak Erenteria-Oreretako poulazioaren %37a inguru goiko auzoetan bizi dela. Izan ere, zerbitzu horrek Beraungo bizilagunei emango die erantzuna, baina baita goiko aldeko beste auzoei ere, Kaputxinoak, Alaberga Goikoa edota Galtzarabordari.
Errenteria 2025 plan estrategikoak bere egiten zuen lan ildoetako bat ongi konektatutako herri bat sortzea zela ekarri dute gogora, “erronka honek, beste hainbat aspektuz gain, udalak herritarrekin erlazionatzeko erabiltzen duen antolaketa eredua eta sistema telematikoa birpentsatzera behartu zuen. Hausnarketa horretatik jaio zen herritarren arreta zerbitzu integral bat abian jartzeko beharra eta proiektua, Zu! Zerbitzua”.
