Lezon hasiko da paleta egokituko Gipuzkoako Txapelketa
Txapelketaren barruan hiru partidako ligaxka jokatuko dute. Lehen jardunaldia da Lezokoa. Finalak ekainean dira, Andoainen.
Goizean dira partidak, Bekoerrotan. Paleta Egokituko Gipuzkoako Txapelketa Lezoko Bekoerrota kiroldegiko pilotalekuan hasiko da larunbatean. Partidak 10:00etan hasiko dira, 14:00ak aldera bukatzeko. Txapelketaren barruko lehen jardunaldia da eta sei bikotek parte hartuko dute.
Bi multzotan banatuta jokatuko dute sei bikoteek, Liga Urdina eta Liga Gorria osatuko dituzte. Hala, Lezokoa hiru jardunaldiko lugaxka baten hasierakoa izango da, beste bi jardunaldiak Zarautzen (martxoak 16) eta Errenteria-Oreretan (maiatzaren 4an) jokatuko dira. Finalen txanda ekainaren 1ean da, Andoainen (multzo bakoitzeko lehenek jokatuko dute).
Honakoak dira sei bikoteak:
- Jurdan Arakistain eta Joseba Altuna.
- Aritz Lertxundi eta Iraitz Huegun.
- Eneko Sagarmendi eta Lander Ortega.
- Lorea Iribar-Iñaki Divasson-Xabier Villar.
- Sheila Cueto eta Denis Nazabal.
- Ibai Castilla eta Xabier Olaziregi.
