Jon Muñiz Elolaren erakusketa inauguratuko dute bihar Okendo Kultur Etxean
Apirila bitartean egongo dira ikusgai ilustratzaile sanpedrotarraren lanak
Begihandiak, askotariko arrainak, karramarroak… itsasoko gaiak marrazten ditu Iñigo Muñiz Elolak, ikusgarri, eta lan horien guztien bilduma jarriko du ikasgai Gros auzoko Okendo kultur etxean Itsasotikan(en) izenburupean. 19:00etan da inaugurazio ekitaldia, bihar, martxoak 1.
Ilustratzaile sanpedrotarraren lanak apirila bitartean egongo dira Okendon ikusgai, areto zaharrean, astelehenetik ostiralera 10:00etatik 14:00etara, eta 16:00etatik 20:30era.
Hala dio, sortzaileak, erakusketaren aurkezpenean: “Goatzen det nola haurra nintzala, aitakin baporia hartu ta itsasoa ateratzen giñan garaia, akuariñak putzoa bota ta nola zai egoten giñan ia noiz etortzen zen begihaundin baten kolpia. Noiz behinka han etortzen zian kiloterditik gorako ipurdiluze hoik. Gogoratzen det, gero nola etxea iritsi, eta beatza pasa eta pasa geratzen nintzen beren azalen kolore trama misteriotsu aldakor horiei begira. Arrai txikitan, berritan… aspaldi utzi niola arrantz egiteari, orain paperean arrantzatzen ditut asko gustura”.
