Batzuk bukatu besteak hasi
San Pedron, Antxon eta Donibanen asteburuan ospatu dituzte inauteriak; Trintxerpen hastear dira.
Irudimena bor-bor Pasaiako mozorroetan 
Donibanen, desfilea bitartean.
Antxon, Donibanen eta San Pedron bukatu dira inauteriak. Asteburuan ospatu dituzte, primerako giroan.
Larunbatean, Antxon, ezkontza erraldoi bat ospatu zuten eguerdian hasi eta ordu txikiak arte; gaiak askorako eman zuen, arroz poltsak, tarta ikusgarria, katering zerbitzua, estilo askotako gonbidatuak… eta askotariko ezkontzak; ijito ezkontzatik hasi, Las Vegasen hitzartutakotik pasatu, zein Ibiza estilokoetaraino.
San Pedron, gai librean aritu ziren, eta denetarik ikusi ahal izan zen, tartean, udatiar bainuzain sorosle estilo handikoak, eta San Ildefonsoko haur kuadrilla sonatua.
Badiaren beste aldean, berriz, Mexikoko dantzak eta gaiak nagusi. Ohi bezala, haur, gazte, heldu eta ez hain heldu denak elkartu ziren egun ossko festan, asko eta asko desfilean dantzan.
Trintxerpen beldurgarri
Trintxerpen, ohi bezala, astebete beranduago ospatuko dituzte. Datorren asteburuan dira bertako inauteriak, eta jai batzordeak dena prest du.
Karrozen desfileak ez ezik, kuadrillen desfilea eta beste haimaka kontua, aurten beldurgarri, munstroen gaia hautatu duelako jai batzordeak dibertimendurako.
Hona egitaraua
Kamio tabernak Antxoko Gazte Asanbaldak antolatutako mozorro lehiaketa irabazi du.
