Martxoaren 8rako prest dira Lezon
Herriko talde eta eragileek Martxoaren 8ari lotutako ekitaldiak elkarlanean antolatu dituzte. Martxoaren 8an hainbat mobilizazio daude.
![](https://oarsoaldea.hitza.eus/site/files/2019/03/lezo-martxoak8.jpg)
Martxoaren 8ari begira antolatu dira Lezoko emakumeak eta eragileak. Egunaren aurretik eta ondoren hainbat ekitaldi antolatu dituzte, elkarlanean. Elkarlan horren partaide izan dira Gaxuxa Emakumeen Elkartea, Lezo Herri Eskola, Pasaia-Lezo Lizeoa, Lezo Institutua, Kuadrillategi, Lezoko osasun zentroa, Lezoko Mugimendu Feminista eta Lezoko Udaleko Berdintasun Saila.
Egitaraua osatua da. Beraz, lezoar guztiak gonbidatu dituzte horietan parte hartzera. Honakoak dira ekitaldiak:
- Hilaren 7tik 21era. Emakumeok bizirik, mujeres vivas, mujeres con fuerza argazki erakusketa ibiltaria herriko honako tokietan: Andreone liburutegian, osasun zentroan, Bekoerrota kiroldegian, Taloka kafetegian, udaletxeko atarian eta Herri Eskolan. Mercedes Saldaña argazkilariaren lanekin osatutako erakusketa da.
- Martxoaren 8an. 10:30ean, udaletxeko atarian gosaria Mugimendu Feministaren eskutik, eta ondoren, 12:00etan, elkarretaratzea eta gogoeta saioa egingo dute Gurutze Santuaren plazan, emakumeen musikaz lagunduta. 18:30ean, elkarretaratzea Gurutze Santuaren plazan, eta hori bukatuta, Errenteria-Oreretako manifestazioa joateko aukera (19:00etan da).
- Hilaren 9an. 19:00etan, Gezala Auditoriumean, emakumeen eskubideei buruzko film laburren emanaldia.
- Hilaren 11tik 16ra. Gaxuxako kideen artelanen erakusketa Donibane kaleko Kultura Aretoan.
- Hilaren 16an. 18:30ean, Gezala Auditoriumean, bideoforuma Los limoneros filmarekin.