Arkaitza eta KBren mozorroak, onenak
Tabernen arteko mozorro lehiaketako sariak Arkaitza eta KB tabernentzat izan dira aurten. Guztira, 11 tabernek hartu dute parte lehiaketan aurten, zirkuaren gaia ardatz hartuta, eta aipatu biek izan dute mozorrorik onena epaimahaikideen arabera.
Arkaitza taberna izan da irabazle nagusia aurtengo mozorro lehiaketan. Tabernen arteko mozorro lehiaketako sariak Arkaitza eta KB tabernentzat izan dira aurten. Guztira, 11 tabernek hartu dute parte lehiaketan aurten, zirkuaren gaia ardatz hartuta, eta aipatu biek izan dute mozorrorik onena epaimahaikideen arabera.
Arkaitza taberna izan da arte ederretan aditu talde batek osatutako epaimahaiak aukeratu duena. Ondorioz, 500 euro jasoko ditu 2020 inauterietan taberna mozorrotzeko materiala erosten laguntzeko. Gaiaren trataera, originaltasuna, elementuen diseinu eta girotzearen arteko oreka ezin hobea lortu du Arkaitzak: “Irudimen handiarekin landu ditu aurkeztutako elementuak zirku kontzeptuan integratuz. Osagai guztiek bat egin dute zirku mozorroari osotasun bat emateko”.
KB tabernak bigarren saria eskuratu du.
Aipamen berezia egin diote KB tabernari, bestalde. Zirku beldurgarri bihurtu du azken horrek taberna “irudimen handiz” eta “xehetasunak zainduz”. Azken horrek 250 euro jasoko ditu datorren urteko inauterietan taberna mozorrotzen laguntzeko.
Antolatzaileek eskerrak eman dizkiete Arkaitza eta KBri eta lehiaketan parte hartu duten, Landare, Kerala, Aker Pub, Sindikato, Xera Gastroteka, Gamon 14, Cine Reyna, Etxeondo eta Irrintzi tabernei.
