Auzolanean, zuhaitzak landatzera eta barrakoiak garbitzera
Etxetxok eta Lezoko Ekologia Taldeak deituta, Memoriaren Basoan zuhaitzal jartzeko eta frankismoaren esklaboen barrakoiak garbitzeko auzolana egingo dute.
Etxetxo Memoria Historikoaren Elkarteak eta Lezoko Ekologia Taldeak antolatua, Lezoko Memoriaren Basoa osatzeko zuhaitz landaketa egingo dute, eta aldi berean, Iparragirre baserriaren inguruan dauden barrakoiak —frankismoaren esklaboak edo trabajadoreak izan zirenak— garbituko dituzte. Larunbaterako (hilaren 9an) deitu dute auzolana, 09:00etan Tiñelutik abiatuta. 13:15ak aldera izango dira bueltan.
Lezoarrei laguntza eskatu diete auzolana egoki joan dadin. Gainera, joango direnei lanerako eskularruak ez ahazteko eskatu diete.
Ikus-entzunezkoa
Bestalde, Etxetxok frankismoaren esklaboak Lezora ekarri zituzteneko 80. urteurreneko ekitaldiekin aurrera darrai. Horrela, hilaren 14an (osteguna), La voz dormida filma emango dute Gezala Auditoriumean, 19:00etan hasita. Sartzea doan da.
