Greba feminista babestu du PSE-EEk
Alderdi Sozialistak herritar guztiak deitu ditu parte hartzera mugimendu feministak antolatutako ekintzetan.
PSE-EEko Goizane Alvarez Irijoa eta Jose Angel Rodriguez.Argazkia: PSE-EE Bat egin du alderdi sozialistak biharko mugimendu feministak deitu duen greba feministarekin eta herritarrak bat egitera deitu ditu, gainera, “aurrera urratsak egin badira ere berdintasun politiketan, emakumeei berdintasun baldintzetan parte hartzea eragozten dieten genero diskriminazio larriak eta izaera sexistako estereotipoek indarrean jarraitzen dute”. Halakoek emakumeek gizartean bizi duten errealitatearen gaineko hausnarketa eragin behar dutela dio alderdi sozialistak, “eta alderdi politikoek, erakundeek eta gobernuek errealitate hori eraldatzeko beharrezko neurriak hartu beharko ditugu”.
Martxoaren 8a borrokarako data bat dela esan du bestalde, “sentsibilizazio eta kontzientziazio eguna da, ezin du nazioarteko egun bat besterik gabe izan. Gizon eta emakumeen arteko benetako berdintasuna lortzeko bide luzea gelditzen dela ohartzeko eguna izan behar du”.
Amaitzeko herritar guztiak deitu ditu parte hartzera mugimendu feministak antolatutako ekintzetan.
