Grebaren bezperan azken oharrak kaleratu ditu mugimendu feministak
Besoko moreak jantzi eta mobilizazioetara tresna zaratatsuak eramateko eskatu dute
Antxoko asanbalda feministaren aldarrietako bat, Gure Zumardian; biharko ekitaldi gehienak han izango dira, baita gaur gaueko kanpaldia Ordu gutxi batzuk baino ez dira falta martxoak 8a iristeko, eta gero eta handiagoa da greba feministara batuko direla iragartzen ari diren kolektibo eta norbanakoen zerrenda.
Pasaian, mugimendu feministak biharko mobilizazioak gogora ekarri eta horietara batzeko deialdia luzatzeaz gain, kontuan hartu beharreko ohar batzuk ere zabaldu ditu. Besteak beste, besoko moreak janzteko eskatu dute, baita mobilizazioetara tresna zaratatsuak eramateko ere.
Horrez gain eta biharko greba kontsumo greba ere badela gogorarazita, antolatu diren gosari, hamaiketako zein bestelako herri otorduetara norbere janaria eramateko eskatu dute.
Egitaraua barrutiz barruti:
Antxo
Gaur:
- 22:00: Gunearen prestaketa Gure Zumardian.
- 00:00: Kanpaldiaren hasiera eta akelarrea. (Kanpin dendak etxetik jaisteko eskatu dute.
Bihar
- 07:00: Pikete informatiboa eta diana.
- 09:00: Gosari autogestionatua.
- 10:00: materialaren prestaketa.
- 11:00: Muxikoak.
- 12:00: kontzentrazioa eta manifestazioa.
- 14:00: Bazkari autogestionatua eta kantaldia
- 16:30: dantza komunitarioa.
- 18:30ean: Zutabeak Donostiako eta Oreretako manifestazioetara joateko.
Trintxerpe:
- 12:00etan: Gernika plaza morez mozorrotuko dute.
- 18:00: Gernika plazan biltzea Oreretako manifestaziora joateko.
San Pedro:
- 09:00: frontoian elkartzea pankarta prestatu, elastikoak margotu, eztabaidatu….
- 12:00: manifestazio zaratatsua.
Donibanen:
- Goizean: Gizonen zaintza programa emakumeek mobilizazioetara batzeko.
