Hondakin bilketak antolatu ditu Itsas Gelak
Oiartzunen, Errenterian eta Pasaian egingo dituzte garbiketak
Praktikaren bidezsentsibilizazioa lantzen du Itsas Gelak Pasaiako Itsas Gela elkartea, Libera elkartearekin elkarlanean, hondakin bilketak antolatu ditu datozen asteetan Oarsoaldean. Helburua: “ekosistemen osasuna eta biodibertsitatea arriskuan jartzen duten hondakinak bildu eta kontserbazioan eragina duen ingurumen arazoa abordatzea”.
Xede horrekin Itsas Gelak garbiketak eta datu bilketak antolatuko ditu, ingurune naturalean aurkitu daiteken zakarraren bolumen, kantitate eta tipologia ezagutzeko, 1m2 ibai, urtegi eta istingatik; 1m2 naturatik; 1m2 hondartza eta itsasoetatik eta 1m2 landa, baso eta menditik kanpainen barruan.
1m2 ibai, urtegi eta istingatik kanpaina larunbatean hasiko da, eta Oiartzun ibaian gauzatuko da, hiru bilketa gunetan. Lehen gunea Oiartzun herrian Ugaldetxo ondoan; bigarrena Errenterian, Fanderia auzoan, eta azkena Pasaian.
Itsas Gelak Larunbateko garbiketan parte hartzera deitu ditu herritarrak. Laboren elkartuko dira partaideak, 10:30ean. “Gerturatuz gero naturaren kontserbazioan lagundu ez ezik naturan tarte atsegin bat pasatuko duzu” agindu dute antolatzaileek.
Errenteriako garbiketa hilaren 14ean egingo dute, herriko ikastoletako haurrekin, eta Pasaiakoa, azkenik, hilaren 16an, publiko osoari irekia.
