Iñude eta Artzaien konpartsak hartuko ditu kaleak
12:00etan abiatuko da desfilea Koldo Mitxelena plazatik, eta Maria Lezo, Xenpelar, Biteri, Alfontso XI, pilotarien kalea, Kapitain enea, eta Biteri Txiki pasata Gamon Zumardira iritsiko da; fandangoa eta arin arina dantzatuko dute bertan.
Iñudeak eta artzaiak aurreko edizio batean. Inauteriak amaituta helduko da Orereta Ikastolak urtero legez, antolatzen duen Iñude eta Artzaien konpartsaren desfile koloretsua. Hogeita bigarrena izango du aurten Orereta Ikastolak desfilea antolatzen eta herriko hainbat talde eta eragileek ere bat egingo dute. Guztira ikastolako 200 ikasle, guraso eta kide baino gehiagok hartuko dute parte, eta horiekin bat egingo dute Ereintza Elkarteko Txistulariek, Iraultza Dantza taldeak, Errenteria Musikaleko Musika Banda, dultzaineroek, trikitilariek, Amulleta Danborraren Kofradiak, dantzari kuadrillak baserritarrez jantziak, Jose Mari auto klasikoak, eta beste hainbat gazte nahiz heldu garai bateko jantziekin. Guztira 450 lagunek osatuko dute desfilea eta Errenteria-Orereta iraganera eramango dute.
Iñudeak eta artzainak, kardinala, alkatea emaztearekin, udal idazkaria, apaiza akolitoekin, mikeleteak, medikua eta erizainak, puxika saltzaileak, barkilleroak, piruleteroak, galleterak, sardinerak, arropa garitzaileak, lore saltzaileak, okinak, kale garbitzaileak, serenoa eta sufragistak ere ez dira faltako.
12:00etan abiatuko da desfilea Koldo Mitxelena plazatik, eta Maria Lezo, Xenpelar, Biteri, Alfontso XI, pilotarien kalea, Kapitain enea, eta Biteri Txiki pasata Gamon Zumardira iritsiko da; fandangoa eta arin arina dantzatuko dute bertan. Herriko plaza, Foru plaza, Xenpelar eta Morrongilleta kaleak pasata Koldo Mitxelena plazan amaituko da desfilea ekitaldi nagusiarekin.
