Bulkadak erakusketa zabalduko du bihar
Gazte mugimenduaren azken 40 urteetako bilakaera bildu dute erakusketa horretan.
40 urteko gazte borroka izan dute gogoan dinamikaren herriko aurkezpenean Bulkada Berrien garaia Da! dinamikak erakusketa zabalduko du bihar Xenpelar Etxean. Gazte mugimenduaren azken 40 urteetako bilakaera bildu dute erakusketa horretan. Hilaren 22ra arte izango da zabalik 17:00etatik 20:00etara. Bihar 18:00etan zabalduko ditu ateak, eta 19:00etan bisita gidatua egingo dute. Gonbidatu berezia izango da gainera, Maider Zabalegi abeslari oiartzuarra.
Erakusketa horrekin hasiko du egitaraua Oreretako Bulkada Berrien garaia Da! dinamikak, baina horrekin batera egitarau zabala prestatu dute. Hilaren 30ean berriz, egun osoko jardunaldia antolatuko dute: Herriko bulkada eguna. Hilabete honetan zehar banatuko dituzte egun horretarako txartelak, ohiko lekuetan (Arkaitza, Landare eta Sindikato tabernetan).
