Linbo planetara bidaia, Dejaburekin
Donibaneko Juanba Berasategi kulturgunean aurkeztuko du Errenteriako antzerki konpainiak haurrentzako sortutako azken lana.
Plan erakargarri bat dago aukeran igande honetan Donibanen. Dejabu Papin Laborategiak Linbo planeta antzezlana aurkeztuko du Juanba Berasategi kulturgunean, 18:00etan.
“Hondarrez, zaborrez eta behin etxe izan zirenen hondakinez inguratutako leku urrun” batetara bidaia izango da. Han bizi da Numa, zortzi urteko neskatxa bat, bakarrik hondamendiaren erdian, ezustean Ibrahim txakurra topatu arte. Elkarrekin bidaia magiko bat hasiko dute txakurrak eta neskatoak, izarrei jarraituta, eta haien bidelagun izango dira Juanba Berasategira hurbiltzen diren familiak.
Sarrerak, 3 euroan, Internetez eros daitezke aurrez, edo kulturgunean bertan antzezlana hasi baino ordubete lehenagotik.
