Bost abesbatzek kantatuko dute Antxoko Musika Astean
Hilaren 23an izango da lehen kontzertua, Araoz abesbatzaren emanaldiarekin
Imanol Elizasuren eskolako Zaria abesbatza izango da Antxoko musika astean Easoko emakumeen Araoz Abesbatzak eskainiko duen kontzertuarekin hasiko da aurten Pasai Antxoko Musika Astea, hilaren 23an, eta hurrengo egunean, Oñatiko Ganbara koruaren txanda izango da. Bi kontzertuak San Fermin parrokian izango dira, larunbatekoa 20:30ean, eta 19:00etan igandekoa.
Musika Bandak antolatzen du urtero Musika Astea, udalaren Kultura departamentua eta musika eskolaren laguntzaz. Ohi bezala, aurten ere bi asteburuetan programatu dituzten kontzertuak, eta honenbestez hilaren 29tik 31ra beste hiru kontzertu izango dira.
Hilaren 29an, bi koru izango dira Antxoko San Fermin parrokian: Donostiako Cum Jubilo eta Trintxerpeko Illunbe. 20:30ean hasiko da emanaldia; Hilaren 30ean, larunbata, Imanol Elizasuk zuzenduta, Errenteriako Zaria abesbatzaren kontzertua izango da, ordu eta toki berean, eta azkenik, igandean, Illunbe Musika Bandaren kontzertua izango da, 13:00etan, Gure Zumardian, Fran Berraren zuzendaritzapean.
