EAJk lan ildo eta proiektu nagusiak ezagutzera eman ditu
Jeltzaleak aldizkari bat banatzen ari dira etxeetara beren hauteskunde programan jasoko dituztenak iragartzeko.
EAJk Pasaiarako dituen lan ildo eta proiektu nagusiak zeintzuk diren ezagutzera eman asmoz, aldizkari bat banatzen ari dela jakinarazi du prentsa ohar bidez.
Oterminek berretsi duenez, “kalitatezko enplegua sustatzea, gizarte babesa bermatzea, berdintasuna bultzatzea, eta kultura eta euskarari lotuta herri bizi izatea” izango dira, besteak beste, bere lehentasunak.
Egiteko horretan Oterminek bidelagun izango dituenak ere aurkeztu dituzte etxera banatuko duten argitalpenaren bidez. Zerrenda osatuko duten hautagaien izen abizenak zehaztu gabe ere, hala aurkeztu dituzte aldizkarian Oterminen inguruan azaltzen diren lagunak: “Talentua, ilusioa eta konpromisoa uztartzen duten pertsonak, ibilbide ezberdinekoak, udalaren kudeaketan eskarmentua dutenak, herrigintzan aritzen direnak eta ekintzaileak”.
