28.000 kontsultatik gora urtebetean
Herritarren Arreta Zerbitzuan, batez beste, 140 gestio egin dira eguneko
Trintxerpeko bulegoa, zerbitzua zabaldu berritan Pasaiako Udalak Herritarren Arreta Zerbitzuaren 2018ko memoria publiko egin du eta zerbitzuak izan duen harrera ona berresten duten hainbat datu eman ditu ezagutzera.
2018. urtean, Pasaiako HAZ bulegoek 28.000 kontsultatik gora bideratu dituzte. Zehazki 25.000 pertsona artatu dituzte, eta horiek 28.869 kontsulta eta gestio baino gehiago egin dituztela jakinarazi dute.
Kontsulta gehien Trintxerpeko bulegoak bideratu ditu (% 45,5), eta haren atzetik doaz, hurrenez hurren, Antxokoa ( % 35 ) eta Donibanekoa (% 19,5 ). Batez beste, egunean 140 gestio bideratu dituzte HAZ bulegoek.
Horiez gain, kontsulta gehien bulegoetan bertan bideratu dituztela jakinarazi dute, zehazki, 19.200; baian telefonoa eta Interneta baliatu duenik erre izan da: 5.500 telefonoz artatu dituzte, eta gainerakoek bitarteko elektronikoen bidez.
“Erosotasuna, hurbiltasuna eta erraztasuna”
Erabiltzaileek zerbitzuaren oso balorazio ona egin dutela jakinarazi du udalak, eta zehaztu duenez “erosotasuna, hurbiltasuna eta erraztasuna” da gehien baloratzen dutena.
Kontuan hartzekoa da HAZ bulegoak ireki arte, antxotar, sanpedrotar eta trintxerpetarrak Donibanera joan behar izaten zutela udal gestioak egitera. Ziurrenik horregatik ez da harritzeko kontsulten kopurua oso epe motzean hazi izana: 2017an 7.541 erregistro izan ziren, eta 2018an, berriz, 22.200 izan dira.
