Elkarbizitzaren alde elkarretaratu dira
Islamiar Kultur Zentroak deituta elkarretaratzea egin dute gaur haren egoitzaren aurrean. Bakearen alde, elkarbizitzaren alde, eta islamofobiaren aurka bildu dira Juan Olazabal kaleko plazan, islamiar zentroaren parean.
Islamiar Kultur Zentroak deituta elkarrarateratzea egin dute gaur. Islamiar Kultur Zentroak deituta elkarretaratzea egin dute gaur haren egoitzaren aurrean. Bakearen alde, elkarbizitzaren alde, eta islamofobiaren aurka bildu dira Juan Olazabal kaleko plazan, islamiar zentroaren parean. Gogoan izan dituzte Zelanda Berriko meskiten aurkako atentatuetan hildakoak eta elkartasuna adierazi diete haien senideei.
Islamiar Kultur Zentroak deituta elkarretaratzea egin dute gaur.
Zelanda Berrikoa, “pertsona baten ekintza terrorista” dela esan du komunitate islamikoaren izenean elkarretaratzean mintzatu den kideak: “Ezin dugu egin gurekin egiten dutena, denak terroristak garela esan. Ekintzak pertsona batenak dira ez kolektibo oso batenak. 50 musulman hil dituzte bertan, odola bera da, batzuena zein besteena, denok pertsonak gara”.
Musulmanak terrorismoarekin lotzen dituztela salatu du. Ez direla terroristak esan du, eta gaurko elkarretaratzearekin egin duten moduan erantzutera deitu du, “modu baketsuan. Musalmanek ez ditugu armak fabrikatzen eta saltzen, jakina da zeintzuk fabrikatu eta saltzen dituzten”. Gaurko elkarretaratzearekin, komunitate islamikoa bakearen alde dela erakutsi nahi dutela erantsi du, “jendeak hala ulertzea nahi dugu”.
