Inoiz ez delako berandu
Bizikletan ibiltzen ikasteko aukera eskainiko dei Bekoz Bekok orain arte ikasteko aukera izan ez duten emakumeei
Ziurrenik bitxia gerta daiteke gazteen begietara, baina lehen begiratuan irudi dezakeena baina gabezi zabalduagoa da. Adin batetik aurrera asko dira bizikletan ibiltzen ez dakiten emakumeak. Errealitate horri erantzun nahian, Bekoz Beko elkarteak ikastaro bat antolatu du, bi gurpilen gainean moldatzen ez diren emakumeak bizikletan ibiltzen ikasteko aukera izan dezaten.
“Bizikleta askatasunerako tresna” gisa ulertzen du Bekoz Bekok, “egoera sozioekonomiko guztietako emakumeak oinez baino urrunago mugitzea” ahalbidetzen duelako, eta horregatik antolatu du ikastaroa, “bizikletan ibiltzen ikasteko aukerarik izan ez duten edo bizikleta gainean seguru sentitzen ez diren emakumeek ibilbide horri ekiteko aukera izan” dezaten.
Ikastaroa hiru saioetan emango dute, hirurak larunbatean: lehengo saioa bi ordukoa izango da, eta hiru ordukoak hurrengo biak.
Lehen saioa martxoaren 30ean izango da, 16:00etatik 18:00etara, eta apirilaren 13an eta 27an, hurrengo biak, 16:00etatik 19:00etara.
Ikastaroa doan da, baina aurrez izena eman behar da Bekoz Bekoren lokalera bertaratuta (Antxoko Zumalakarregi kalean ) edota 679 332 411 telefono zenbakira deituta.
