Batel Ligan San Juan Koxtapek podiuma lortu du kategoria guztietan
Haur Mailako neskekin eta Gazte Mailako mutilekin liga irabazi du: Senior nesketan Hibaikarentzat izan dira bandera eta urrea.
San Juango arraunlariak, atzo, Donibanen, Ligan irabazitako banderak eta dominak jaso ondoren. Argazkia: Koxtape. Bukatu da Gipuzkoako Batel Liga. Asteburuan lehiatu dira Ligako azken bi estropadak, larunbatean Errenteria-Oreretan, eta igandean Pasaian, San Juan Koxtapek antolatuta.
Arrosak kontent egoteko moduan dira. Lehian izan diren kategoria guztietan podiumean izan dira. Garaipen sendoenak, berriz, gazte Mailako mutilak eta Haur Mailako neskena. Liga irabazi dute bi kasuetan.
Neska kadeteak bigarren izan dira, Haur Mailako Mutilak hirugarren, Kadete Mutilak bigarren, Gazte Mailako neskak hirugarren, bigarren Senior Neskak eta hirugarren Senior Mutilak.
Senior nesketan Hibaikak irabazi du Liga, eta Illunbeko batela laugarren izan da San Juan eta Donostiarraren atzetik hurrenez hurren.
Liga bukatuta, txapelketak baino ez dira falta batel denboraldia amaitutzat emateko. Gipuzkoako txapelketa asteburu honetan lehiatuko da, San Pedron, eta Euskadikoa hurrengoan, Legution.
