ADEMGIrentzat izango da 100X50 igeriketa erronkan bildutako dirua
Larunbatean jokatuko dute igeriketa proba Galtzarabordako igerilekuan. Parte hartzaileek 50 luze ehun aldiz egin beharko dituzte erreleboka.
Galtzaraborda kiroldegiko igerilekuan izango da txapelketa. 100X50 erronka jokatuko dute larunbatean Galtzarabordako igerilekuan. 50 luze egin beharko dituzte parte hartzaileek ehun aldiz, ekipoka eta erreleboak eginez. Parte hartzaileek 13 urtetik gorakoak beharko dute izan. Parte hartzeko 5 euro ordaindu beharko dute pertsonako eta jasotako diru guztia ADEMGI Gipuzkoako Esklerosi Naizkoitzaren Elkarteari emango diote antolatzaileek.
Izena emateko epea zabalik da jada, eta horretarako, Galtzarabordako kiroldegiko harrera joan behar dute interesdunek edo 943 449 691 telefono zenbakira deitu, edo Fanderiako Kiroldegiko harrerara joan edo 943 344 423 telefono zenbakira deitu.
BPXport Kirol Zerbitzuak antolatu du proba Errenteriako Udalaren laguntzarekin eta 15:30ean hasiko da. Hori dela eta, ixtita izango da igerilekua 14:45etik 18:30era bitartean. Ordu horretatik aurrera berriro zabalduko dute igerilekua 22:00ak arte.
