Northern Harmony eta Zaria Koru Eskolaren kontzertua
AEB Ameriketako Estatu Batuetako Northern Harmony abesbatza Zaria Koru Eskolarekin batera arituko da larunbatean Fatima Andre Mariaren elizan. Estatu Batuarrak bi hilabeteko jira egiten ari dira Europan zewhar, eta larunbatean helduko dira Errenteriara kontzertua emateko.
Zaria Koru Eskolako kideak. AEB Ameriketako Estatu Batuetako Northern Harmony abesbatza Zaria Koru Eskolarekin batera arituko da larunbatean Fatima Andre Mariaren elizan. Estatu Batuarrak bi hilabeteko jira egiten ari dira Europan zewhar, eta larunbatean helduko dira Errenteriara kontzertua emateko.
Nazioartean ere egiten du lan Zariak, “koru berritzailea gara, eta gure balioen artean euskal nortasunarekiko konpromisoa eta beste kulturekiko begirunea dago”. Ikasturtea oso oparoa izaten ari dela zentzu horretan azaldu dute arduradunek, eta Errenteria eta Gipuzkoara nazioarteko hainbat abesbatza etorri direla eta etorriko direla erantsi dute Zaria Koru Eskolaren eskutik: “Alemaniako Madchenchor Hannover, Quebeceko Les Petots Chanteurs de Laval, edo Txekiako Canto abesbatza adibide bat baino ez dira”.
Bisitak ez direla kontzertu batera mugatzen esan dute, gainera, eta elkarrekin kantu tailerrak lantzen dituztela azaldu dute, “horrela, atzerrian erreferentzi diren koru eta zuzendarien ekarpenekin batera Zaria Koru Eskola kalitatezko musika formakuntzaren berezko metodoa garatzen ari da”. Hartu eman horien barruan, ekainean Alemanian izango dira giran Zaraitxo abesbatzako kideak, eta irailean Txekian Zariagaz taldekoak.
Udaberriko agenda ere beteta izango du Imanol Elizasu, Zaria Koru Eskolako zuzendariak. Larunbateko emanaldiaz gain, hilaren 17an Gasteizko Printzipal Antzokian Beroki gorria ikuskizuna emango dute Patxi Zubizarretak zuzenduta; maiatzaren 5ean, berriz, Zariagaz abesbatzak emanaldia egingo du Villabonan, eta 24an Donibaneko Juan Batailatzailearen elizan arituko dira Zariagaz eta Zariatxo abesbatzak.
Euskal Eskola Publikoaren jaiaren inaugurazio ekitaldian hartuko du parte Zaria Koru Eskolak, bestalde, ekainaren 2an.
