[GALERIAK] Puntu-puntuan iritsi eta bixi-bixi irten da 21. Korrika Pasaiatik

Jendetza bildu du beste behin Korrikak badiaren bueltan

2019/04/13

Puntu-puntuan iragarritakoa baino pare bat minutu lehenago iritsi zen 21. Korrika Pasaiara, eta ordurako jendetza zuen zain. Herrira sartu ahala joan zen jendetza biltzen lasterketara, gogotsu, eta emozioz, euskararen aldeko klika erraldoian.

AEKko Raul Perez furgonetan esatari, animatuta egin zuten pasaitar askok badiara buelta. Antxotik San Pedroraino, pasaitar ugari, bidean, noski, Herrera, Bidebieta eta Trintxerpek bultzatuta.

San Pedroko Albaolan, Aprendiztegiko Ontzigintza Eskolakoen hartu zuten lekukoa, eta, ondoren HITZAko kide Erik Gartziak hartu zuen lekukoa, Urtxintxako lagunekin eskuz esku badiaren beste alderaino garraiatzeko.

Donibanek Pietateko ontziralekuan egin zion harrera 21. Korrikari, bengalen argiaz lagunduta, eta plazaraino sartuta, ttipi-ttapa osatu zuten Lezora arteko bidean.

Irudi gogoangarriak utzi ditu beste behin Korrikak Pasaian, ondoko galeriak horrez erakusgarri:

Antxoko galeria

Trintxerpe eta San Pedroko galeria

Donibaneko galeria

Arratsaldeko giroa

Erlazionatutako edukia[GALERIAK] Txikiek, klika eta klika, handi egin dute Korrika

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.