Anita Maravillasen 'Jon Braun' San Pedrora heldu da
Txotxongilo ikuskizunak Imanol Urbietaren indio txiki ezaguna du protagonista
Genero estereotipoetatik ihesi, abenturaz eta maitasunez beteriko western bat aurkeztuko du Pasaian Anita Maravillas Konpainiak. Txotxongilo ikuskizun bat da, familian ikusteko aproposa, estetika zainduarekin eta umoretsua.
Jon Braun indio txikia eta haren arreba Malentxi dira ikuskizunaren protagonistak. Malentxi da ipuinean heroia, emakumea eta haren askapenaren subjektu aktibo gisa aurkeztuta. Jon Braun txikia, berriz, antiheroi bihozbera gisa agertuko da, haren zorigaiztoei ilusioz beterik aurre egiten dien haur trakets eta jolasti baten modura,
San Pedroko udal aretoan izango da txotxongilo ikuskizuna, igandean (hilak 28), 18:00etan. Sarrera, 3 euroan, Internetez eros daitezke.