[Galeria] Euskaldarrak izan da onena
Euskaldarrak elkarteko sukaldariek prestatu zuten platerik goxoena. Hala erabaki du epaimahaiak, eta horrenbestez etxean gelditu da Euskaldarrak elkarteak antolatzen duen erakuste gastronomikoaren sari nagusia.
Jose Luis eta Ibai Karrera aita-semeak Mikelazulo garaikurrarekin. Euskaldarrak elkarteko sukaldariek prestatu zuten platerik goxoena. Hala erabaki du epaimahaiak, eta horrenbestez etxean gelditu da Euskaldarrak elkarteak antolatzen duen erakuste gastronomikoaren sari nagusia. Jose Luis eta Ibai Karrera aita-semeak prestatutako platera izan da onena. Tanta-ilar, gorringo ondua, erretako tipula esfera eta plankton kurruskariz lagundutako legatz takoa prestatu zuten Karreratarrek eta Mikelazulo garaikurra eskuratu.
Bigarren saria Niessen elkartearentzat izan zen. Bertako sukaldari Agustin Makazaga eta Fernando Lopetegik, azalore eta patata kremaz lagundutako Niessen elkarte erako muturrak prestatu zituzten. Lehenengo bi sariak Errenteria-Oreretan gelditu ziren, hirugarrena berriz, Oiartzungo Aldeguna elkarteak eskuratu zuen. Eustaki Azpiroz eta Joxe Mari Gezalak Itsasoko gutiziak baratzeko malkoekin platera prestatu zuten.
Laugarren saria Errenteria-Oreretako Bi Errota elkartearentzat izan da. Ruben Salvador eta Richard M Viejok boniato apardun isats kurruskaria prestatu zuten. Elkartearen Plater Bereziaren saria Txintxarri elkarteko Gemma Mariezkurrena eta Kandido Astudppik irabazi zuten prestatutako berdel marmitakoarekin, eta kalitate-prezioa harreman onena duen plateraren saria, berriz, Donibaneko Yola elkartearentzat izan zen. Carlos Hernandezek eta Javier Salaberriak zapo medailoiak itsaski gisatu gainean prestatu zituzten.
