Kirol instalazioen kudeaketarako araudi berria lantzen ari da udala
Ekarpenak egin daitezke maiatzaren 13ra bitartean
Gaur gaurkoz Pasaiako Udalak ez du kirol instalazioen kudeaketarako araudi bateratu bat, eta horren ondorioz hainbat hutsune sortu dira erabileran.
Hutsune horiek zuzendu nahian udalak araudi berri bat lantzeari ekin dio, eta herritarrei ekarpenak egiteko aukera zabaldu die.
Interesdunek maiatzaren 13ra bitartean izango dute iradokizunak bidaltzeko aukera, HAZ bulegoen bitartez edota Jarduera Fisiko eta Kiroleko departamentura emailez idatzita.
Departamentuak aurreratu duenez araudiak udalaren kirol instalazioen erabiltzaileen eskubideak eta betebeharrak arautuko ditu eta zenbait gai (besteak beste, bazkideen kuotak ordaintzeko modua, ikastaroetan izena emateko araudia eta instalazio guztiak erabiltzeko arautegia zehatza) aipatu araudian jasotzea aurreikusi dute.
Horiez gain araudi berria kudeaketa zuzena duten instalazioentzat zein zeharkako kudeaketa duten instalazioentzat berbera izango dela zehaztu dute.
