EH Bilduk Errenteria-Oreretan egingo du itxiera ekitaldia
Espainiako Gorteetarako Hauteskunde Kanpainaren itxiera ekitaldian Arnaldo Otegik, Bel Pozuetak, Mertxe Aizpuruak eta Iñaki Ruiz de Pinedok hartuko dute parte.
Arnaldo Otegi, Oreretako ekitaldi politiko batean, 2016ko irailean. EH Bilduk Errenteria-Orereta aukeratu du Espainiako Estatuko Gorteetarako Hauteskundetako nazio itxiera ekitaldia egiteko. Zumardian izango da ekitaldia ostiralean (hilak 26) 20:30ean hasita. Bertan arituko dira Arnaldo Otegi EH Bilduren koordinatzaile nagusia, eta Bel Pozueta, Mertxe Aizpurua eta Iñaki Ruiz de Pinedo EH Bilduren Nafarroako, Gipuzkoako eta Arabako zerrendaburuak Espainiako Estatuko kongresurako, hurrenez hurren.
