Udal hauteskundeetarako lau hautagaitza Lezon
Udal hauteskundeetarako lau hautagaitza aurkeztu dituzte Lezon: EAJ, EH Bildu, PSE-EE eta PP dira herritarrek aukeran dituzten alderdiak.
Lezoko udaletxea, artxiboko irudian. Gipuzkoako Aldizkari Ofizialean argitaratu dira udal hauteskundeetara aurkeztu diren hautagaitzak, herriz herri. Lezon, lau aukeren artean botoa emateko aukera izango da: EAJ, EH Bildu, PSE-EE eta PP. Orotara, zerrenda horietan, 58 hautagai daude (ordezkoak barne). 2015eko udal hauteskundeekin ez dago berritasunik zerrenda kopuruan, ezta alderdietan ere. Duela lau urteko taldeek errepikatuko dute aurten ere.
Hala, ezagunak ziren, aurkeztu dituztelako EAJren, EH Bilduren eta PSE-EEren zerrendak. Horien buru Jesus Mari Martiarena, Mikel Arruti eta Jose Angel Sanchez dira hurrenez hurren. PPk ere badu zerrenda, eta Antonia Ruiperez Ruiz da alkategaia.
Jarraian dagoen estekan, Donostiako Eskualdeko Hauteskunde Batzordean dauden zerrenden berri izan daiteke (PDF artxiboa da). Horren barruan dago Lezo.
+ Donostiako Eskualdeko Hauteskunde Batzordean dauden zerrendak. (PDF artxiboa da).
