Donibaneko hiru ontzi lehiatuko dira Espainiako batel txapelketan
San Juan-Koxtapeko Haur, Kadete eta Gazte Mailako batelak lehiatuko dira Vigon
Koxtapeko Haur Mailako nesken batelak asteburuko bi estropadak irabazi ditu. Argazkia: J. A. Intxausti. Asteburuan lehiatuko da Vigon Espainiako Batel Txapelketa, bihar eta etzi, eta han izango dira lehian Pasai Donibane San Juan Koxtapeko hiru ontzi: Haur Mailako eta Kadete Mailako neskena eta Gazte Mailako mutilena.
Haurren Mailan, sanjuandarrekin batera tolosarrak eta zumaiarrak lehiatuko dira, eta, eta kadeteetan oriotarrak; Gazte Mailan, azkenik, Orio eta Tolosa ariko dira sanjuandarrekin batera lehian.
Senior Mailan, emakumetan bi ordezkari euskaldun baino ez, eta biak bizkaitarrak: Kaiku eta Deustu.
Mutiletan, Senior Mailan, pasaitarrik ez, eta bi ontzi euskaldun baino ez lehian, Kaiarriba eta Zierbana; Gazteen Mailan, San Juanekin batera, Isuntza eta Zierbena ariko dira eta Kadete eta Haur Mailan, Isuntza, Zumaia eta Tolosaldea.
