'Emak bakia' bilaketa baten kontaketa OzZinemaren eskutik
Proposamena interesgarriak, eta batez ere bereziak egiten jarraitzen du OzZinema Zineklubak, ohiko zirkuitutatik kanpo gelditzen direnak. Oraingoan, Oskar Alegria zuzendariaren Emak Bakia baita film dokumentala eramango du Niessen zinemako pantaila handira.
Eman Bakia baita filma emango du OzZinemak asteartean. Argazkia: Eman Bakia baita Proposamena interesgarriak, eta batez ere bereziak egiten jarraitzen du OzZinema Zineklubak, ohiko zirkuitutatik kanpo gelditzen direnak. Oraingoan, Oskar Alegria zuzendariaren Emak Bakia baita film dokumentala eramango du Niessen zinemako pantaila handira. Asteartean izango da hori, hilak 30, 19:30ean eta gonbidapenak Niessen Kulturguneko leihatilan eska daitezke.
Alegriaren dokumentalak, Man Rayen —Emanuel Rabinovitx zuen jatorrizko izena— (Filadelfia, Ameriketako Estatu Batuak, 1890, Paris 1976a) Emak Bakia filma du oinarrian. Biarritz inguruko etxe batean egin zuen errodajea Rayk 1926. urtean, Emak Bakia izena zuen, eta haren bila abiatu zen, oinez, Alegria. Hiru irudi baino ez zituen eman Rayk etxearenak filmean, sarrera nagusia, leiho bateko bi zutabe, eta kostaldeko zati baten irudia. Irudi zahar horiekin hasiko du erraza izango ez den bilaketa.
