'La experiencia de la resilencia socialista en Errenteria' liburua aurkeztuko dute gaur
Carmen Gonzalez Gerra eta Angel Comonte Santamaria idazleak izango dira aurkezpenean eta beraiekin batera fundazio horren presidente Eider Gardiazabal, PSE-EEren Gipuzkoako Idazkari nagusia Eneko Andueza, fundazioko kide eta Errenteriako alkate izandako Miguel Buen eta PSE-EEren Errenteriako Idazkari Nagusia Jose Angel Rodriguez.
Eider Gardiazabal Ramon Rubial Fundazioaren presidentea izango da aurkezpenean. Argazkia: PSE-EE Ramon Rubial Fundazioak La experiencia de la resilencia socialista en errenteria. La memoria de su relato liburua aurkeztuko du gaur Reina aretoan 19:00etatik aurrera. Carmen Gonzalez Gerra eta Angel Comonte Santamaria idazleak izango dira aurkezpenean eta beraiekin batera fundazio horren presidente Eider Gardiazabal, PSE-EEren Gipuzkoako Idazkari nagusia Eneko Andueza, fundazioko kide eta Errenteriako alkate izandako Miguel Buen eta PSE-EEren Errenteriako Idazkari Nagusia Jose Angel Rodriguez.
Liburuak Errenteriako alderdi sozialistako kideei omenaldia izan nahi duela esan du Gardiazabalek, “lehen pertsonan jaso nahi genuen ETAren biolentzia jasan zuten alderdi sozialistako kideen testigantzak. Errenteriako alderdi sozialistako karguek jasandako eraso zein jazarpena jaso dute egileek, baita 27 aldiz eraso zuten Herriko Etxeak jasan zituen bortxakeri pasarteak”.
Iragana ez dela ahaztu behar eta protagonistek kontatu behar dutela erantsi du Gardiazabalek, “inoiz ez zuten more eman, eta belaunaldi berriek lehen eskutik ezagutu behar dute gertatu zena herrialde honetan, eta batez ere udalerri honetan”. Iragana ezagutzea ezinbestekotzat jo du “halako gertaerak berriz ere errepika ez daitezen, bake garaia bizitzen ari garen honetan, zauriak osatzen”.
