Lezoko PSE-EErentzat, gazteak lehentasun dira
Lezoko PSE-EEk gazteriari begirako hainbat neurri proposatu ditu maiatzaren 26ko udal hauteslkundeei begira. Programan txertatu dituzte.
Lezoko PSE-EEk agintaldi berriari begira gazteria arloan dituen asmoen berri eman du. Gazteak lehentasun direla adierazi dute sozialistek, eta hainbat neurri proposatu. Horiek Jose Angel Sanchez maiatzaren 26ko udal hauteskundeetako zerrendaburuak, eta Beatriz Gomez zerrendakide eta Euskadiko Gazte Sozialisten kideak landu dituzte.
Gazteak emantzipatzeko programa garatzeko konpromisoa adierazi du Lezoko PSE-EEk. Hala, etxebizitzak alokatzeko ditu laguntzak, gazteen artean enplegua sustatzeko neurriak enpresekin elkarlanean, eta mikrokredituen bitartez autoenplegua bultzatzeko neurriak iragarri dituzte. Izan ere, PSE-EEren arabera, krisiak gehien eragin duen sektorea gazteena da, “eta gazteek dituzten arazo gehienek langabeziarekin eta prekarietatearekin dute harremana. Horrek euren gurasoen etxeetan bizitzera behartzen ditu gazteak, eta ez dira emanzipatzen. Europako Batasuneko aldi baterako kontratuen tasa handiena du Espainiak 2017tik”.
Unibertsitatean dauden ikasleentzat beka sistema egingarri eman du Lezoko PSE-EEk, matrikula eta garraio gastuei aurre egiteko.
Aldi berean, gazteen eta nerabeen tokiko kontseilua sortzeko konpromisoa adierazi dute, adin tarte horretan daudenek kirol, kultura eta gizarte programak gara ditzaten. Gainera, Lezoko Udalaren webgunean Gazteen Buzoia ezartzea helburutzat jarri dute, “gazteen ekarpenak jasotzeko eta arazoen edo zalantzen berri izateko”.
