"Zalantzak dituztenei aukera bat eskatzen diegu"
Julen Rodriguez Ahal Dugu-Equo-ren alkategaia da Pasaiarako. HITZAk, hauteskunde kanpaina bitartean, Pasaiako alkategai guztiei egingo dizkien galdera berberak luzatu dizkio Rodriguezi. Erantzunak elkarrizketan.
Zergatik eman behar dizute herritarrek botoa zuri?
Podemos-Equok, bozkatzerako garaian zalantzak dituztenei aukera bat eskatzen die, aukera bakarra, Pasaian gobernatzeko eta demostratzeko gauzak egiteko modu desberdinak daudela. Izan ere, gobernatu dugun beste lekuetan, Bartzelonan edo Cadizen, esaterako, erakutsi ahal izan dugu herritarren bizimodua hobetzeko dugun gaitasuna.
Zure ustez, zeintzuk beharko lukete Pasaian lehentasunak?
Lehentasuna pertsonak udal politiken erdigunean jartzea da; aukerak sortzea gure gazteen etorkizunerako eta helduentzako Pasaia jator bat izatea.
Pasaian asko hitz egiten da biziberritzeaz. Zuk nola, zer ulertzen duzu biziberritzeaz? Zer esan nahi du zuretzat Pasaia biziberritzea?
Birsorkuntza hitzak berriro sortzea esan nahi du, eta horrela ulertzen dugu guk biziberritzea. Enplegua berriro sortzea, bizi kalitatea sustatzea eta etorkizuna eraikitzea Pasaiarentzat. Horri aurre egiteko lan egin behar da, lor daitezkeen gauzetan indarra jarriz, eta ez beteko ez diren promesak egiten, PSE-EE eta EAJ azken 30 urteetan egin duten antzera.
Azken hauteskundeetako emaitzak ikusita Pasaian gauzak estu egon daitezkeela dirudi. Gobernatzeko aukera izango bazenu paktuetara zabalik izango zinateke?
Ituntzeak Podemos-Equorentzat Pasaiarentzat onuragarria den gobernu programa bat lantzea esan nahi du eta ez soilik aulkiak eta soldatak banatzea.
Alkatetzatik Pasaiako barruti bakoitzean egingo zenukeen lehen gauza edo gauzatuko zenukeen lehen proiektua.
Antxo era askotako instalazio berriez dohatuko dugu, bai kirol arlorako edota hainbat funtzioetarako balio dezaketenak; Donibanen presazkoak dira saneamendu-lanak; San Pedron guretzat Izarra proiektua gauzatzea da gakoa eta Trintxerpen arazo premiazkoena higikortasunaren ingurukoa da, bai zirkulazioari dagokionez baita aparkalekuari dagokionez, eta horiek konpontzeko neurri eraginkorrak bultzatuko ditugu.
